يـا عيـن
يـا عيـن أصـل الوصـف فـي مدلـولـه
والشبـح مالغربـال مــوش فـراسـه ..
يـــا عـيــن خـلــك ثـابـتـه ومحـلـولـه
مدلول وصف الشيء يبقـى ساسـه ..
ويبقـى الفحـل عـالـدوم ولــد فحـولـه
حتى انكسـر واجـب تعـازي ناسـه ..
شوفي الجبـل شامـخ رفـض نزولـه
عالـي علـى الاقـزام رافـع راســه ..
وشـاهـد عـلـى الاحـــرار ما انطاعـولـه
صـف العـدو مـا فـات حـد قيـاسـه ..
واللـي رجــع مـهـزوم فــأول جـولـه
بقص الأمل في القلب زاد حماسه ..
وعشـق الوطـن خفـف عليـه حمـولـه
يعزف مع الاوتار عـزف احساسـه ..
ومــن قـــال بـعــد الـمــر يبتسـمـولـه
لـلأيــام بـيــن رفـوفـهــا دســاســه ..
بـعــد ان صـــدر الـحـكـم واتـوتـولـه
وقربـت اصـوات اقدامهـم رداســه ..
والـنـفـس ديـمــه بعـزمـهـا مـكـفـولـه
وهي ذات نفسـا خالقـه مـن باسـه ..
عـمـل عـلــى الـرحـمـن تـــم قـبـولـه
و لا شـكـون غـيـره مـدلـه فانـفـاسـه ..
ومــن حــال حـالـه حالـهـم مـعـدولـه
لـبـسـوا لـبـاسـه ونفـسـهـم لـبـاسـه ..
عرفـوا طـريـق الــذات واتعـنـوا لــه
وهـي نفسهـا عـن نفسهـم عسـاسـه ..
مـــش بالتـمـنـي يفـتـحـوا المـقـفـولـه
ومـش بالتمنـي الحلـم عبـوا كـاسـه ..
ركـبـوا صـهـاوي مجـدهـم وخـيـولـه
وهلـت قـوافـل خيـرهـم ونـاسـه ..
سيـل يـا قلـم جــوب البـحـر وطـولـه
واكتـب حــروف القافـيـة بسيـاسـه ..
يـمـكــن الـدنـيــا بـغـيـرنـا مـشـغـولـه
مسكـر عليهـا الوقـت بيـن اقواسـه ..
لــكــن عـــــزم قـلـوبـنــا مـجـمـولــه
تْرَحّلْ معـاهـا ليـلـنـا ووسـواســه ..
تاريـخـنـا مـنـحــوت فــيــه بـطـولــه
وأخلاقـنـا تلـصـف مثـيـل المـاسـه ..
موضوع: rقصيده منير بن نصر مكتوبه 
13.01.10 15:26